A MUNDET INTELIGJENCA ARTIFICIALE TI REDUKTOJË AKSIDENTET NË TRAFIK?

A MUNDET INTELIGJENCA ARTIFICIALE TI REDUKTOJË AKSIDENTET NË TRAFIK?

Inteligjenca artificiale tashmë është pjesë përbërëse e drejtimit të automjeteve. Makinat moderne kanë një mori sistemesh, sensorë, kamera dhe radarë që kontrollojnë si shoferin dhe lëvizjet e tij brenda makinës dhe situatat që ndodhin jashtë makinës, duke parashikuar dhe ndërhyrë në situata ekstreme për të shmangur aksidente.

Tashmë, makinat moderne kanë sisteme drejtimi autonome të nivelit 2 dhe në 3-4 vitet e ardhshme makinat do të dalin nga linjat e prodhimit të fabrikës me sisteme drejtimi autonome të nivelit 3.

Drejtimi autonom pritet të bëjë hapa të mëdhenj evolucioni i tij do të jetë i shpejtë. Numri i madh i makinave autonome do të zvogëlojë ndjeshëm numrin e aksidenteve në trafik në rrugët evropiane, ndërsa pas vitit 2030 këto sisteme do të jenë të disponueshme gjerësisht në një numër të madh makinash.

Sot, sistemet e avancuara të ndihmës së shoferit mund të marrin përsipër funksione të rëndësishme të sigurisë (si drejtimi dhe frenimi) nga shoferi në kushte të caktuara. Pra, gjithçka tregon për faktin se inteligjenca artificiale do të ofrojë nivele më të larta sigurie në rrugë, por mundësisht të rrisë papunësinë në disa sektorë të punës, pasi tani puna njerëzore do të bëhet nga robotët.

Kohët e fundit, përdorimi i inteligjencës artificiale është bërë një fenomen i zakonshëm në automobilizëm. Së fundmi BMW ka shkuar një hap më tej, duke përdorur inteligjencën artificiale në fabrikat e saj në fushën e lyerjes së makinave, por edhe duke e kontrolluar pas përfundimit të saj. Një punë që deri më tani është bërë ekskluzivisht nga punëtorët. Ky është vetëm fillimi, pasi shumë shpejt inteligjenca artificiale pritet të hyjë edhe në fusha të tjera të automobilizmit.

 

Leave a Reply

Your email address will not be published.