COVID 19 RRIT RREZIKUN E ÇRREGULLIMEVE AFATGJATA TË TRURIT-THONË HULUMTIMET AMERIKANE
Njerëzit që kanë kaluar infektimin Covid-19 janë në rrezik më të madh të një sërë çrregullimesh të trurit dhe çrregullimeve mendore një vit më vonë krahasuar me njerëzit që nuk janë infektuar kurrë, raportojnë shkencëtarët amerikanë.
Studimi njëvjeçar, rezultatet e të cilit janë publikuar në revistën Nature Medicine, vlerësoi statusin e trurit të miliona veteranëve amerikanë për 44 çrregullime të ndryshme duke përdorur të dhënat mjekësore pa identifikues pacientësh.
Çrregullime të trurit dhe të tjera neurologjike ndodhën 7 për qind më shumë te njerëzit që u infektuan me Covid-19 në krahasim me një grup të ngjashëm veteranësh që nuk ishin infektuar kurrë me koronavirus. Ekstrapoluar në popullatën e përgjithshme, kjo do të thotë se rreth 6.6 milionë amerikanë që kanë pasur dëmtime të trurit janë të lidhur me infeksionin, thanë studiuesit.
“Rezultatet tregojnë efekte shkatërruese afatgjata të Covid-19,” tha autori i studimit, Dr. Ziyad Al-Alou nga Shkolla e Mjekësisë e Universitetit të Uashingtonit.
Ata krahasuan të dhënat me dokumentacionin e 5.6 milionë pacientëve që nuk kishin Covid-19 gjatë të njëjtës periudhë kohore dhe një grup tjetër me 5.8 milionë njerëz nga periudha menjëherë para se të regjistrohej koronavirusi në Shtetet e Bashkuara.
Leave a Reply