DEPRESIONI SEZONAL SHFAQET EDHE NË PRANVERË
Simptomat e depresionit sezonal zakonisht shfaqen në vjeshtë dhe dimër ndërsa përmirësohen me afrimin e pranverës. Por mund të ndodhë që të fillojnë në pranverë dhe të vazhdojnë deri në verë. Depresioni pranveror është më pak i zakonshëm se depresioni i dimrit dhe ekspertët nuk e dinë saktësisht se çfarë e shkakton atë. Drita dhe nxehtësia ekstreme mund t’ju bëjnë të ndiheni të dobët e të pamotivuar dhe të shkaktojnë më tepër shqetësim dhe nervozizëm.
Intensiteti i dritës së diellit mund të prishë ciklin gjumë-zgjim, duke e bërë më të vështirë plotësimin e orëve të gjumit që ju nevojiten për shëndet dhe mirëqenie.
Depresioni sezonal ka këto simptome:
-Ndryshime në energji
-Shqetësime me gjumin
-Probleme me përqendrimin ose kujtesën
-Oreks i shtuar ose humbje peshe
-Nervozizëm i pazakontë
-Ndjenja zemërimi ose agresion
-Mendime rreth vdekjes ose vetëvrasjes
-Pavendosmëri
Truri prodhon një numër neurotransmetuesish të ndryshëm ose lajmëtarësh kimikë. Ato ndihmojnë në rregullimin e humorit, emocioneve dhe proceseve të tjera të rëndësishme trupore.
Disbalancimi i tyre mund të ndërhyjnë në këto funksione dhe të luajë një rol në zhvillimin e simptomave të shëndetit mendor. Mendohet që depresioni pranveror mund të ndjekë modelin e kundërt nga depresioni i dimrit.
Rritja e menjëhershme e dritës së diellit bën që trupi juaj të prodhojë më pak melatoninë, kështu që ju përfundoni duke fjetur më pak se sa keni nevojë. Në të njëjtën kohë, nivelet e serotoninës në trup rriten si rezultat i natyrshëm i zgjatjes së ditës dhe motit me diell. Nivelet e larta të serotoninës mund të shkaktojnë gjithashtu shqetësime në shëndetin mendor, duke përfshirë çrregullimin e ankthit social, të shkaktojë shqetësim dhe nervozizëm.
Leave a Reply