LARJA E DHËMBËVE PARA GJUMIT PENGON SHFAQJEN SË SËMUNDJEVE
Ideale do të ishte që pas çdo vakti të bënim pastrimin e dhëmbëve. Por kryesorja gjithmonë mbetet darka duke qenë se përshtyma jonë është më e reduktuar në mbrëmje për shkak se trupi jonë është në qetësi dhe kështu që është shumë e rëndësishme që në mbrëmje të mos flemë asnjëherë pa larë dhëmbët.
Larja e dhëmbëve para gjumit jo vetëm që i bën dhëmbët tanë më të shëndetshëm, por gjithashtu na pengon të shkojmë në shtrat me baktere në gojë. Në këtë mënyrë parandalojmë shfaqjen e kariesit, sëmundjeve të mishrave të dhëmbëve, erës së keqe të gojës dhe sëmundjeve të tjera.
Çfarë ndodh nëse nuk i lajmë dhëmbët para gjumit: “Gjatë ditës, pështyma shërben si një mbrojtje natyrale, duke ndihmuar në neutralizimin e acideve në ushqim dhe duke parandaluar çdo dëmtim të smaltit. Por gjatë natës, prodhimi i pështymës zvogëlohet. Duke qenë se ne kemi një sistem mbrojtës më të dobët gjatë gjumit, është e nevojshme të lajmë dhëmbët para se të flemë për të reduktuar sasinë e baktereve në gojë”, shpjegojnë stomatologët.
Përndryshe, nëse nuk e bëjmë, e vëmë veten në rrezik të sheqerit të lartë në gjak, i cili mund të dëmtojë kryesisht njerëzit me diabet.
Shumica e njerëzve nuk janë të vetëdijshëm se bakteret jo vetëm që shkaktojnë sëmundje të mishrave të dhëmbëve, por gjithashtu mund të hyjnë në gjak dhe në zemër, duke çuar më tej në infeksione.
Prandaj, duhet të lani dhëmbët para se të shkoni në shtrat dhe në këtë mënyrë parandaloni rrezikun e sëmundjeve të ndryshme.
Leave a Reply