MUNGESA E GJUMIT SHKAK PËR SËMUNDJE TË NDRYSHME

SA DUHET TË FLINI?

Shumë njerëz nuk bëjnë gjumë të mjaftueshëm dhe cilësor. Kjo mund të ndikojë në shëndetin, mirëqenien dhe aftësinë e tyre për të bërë aktivitete të përditshme. Sasia e duhur e gjumit mund të ndryshojë nga personi në person, por Qendrat për Kontrollin dhe Parandalimin e Sëmundjeve (CDC) rekomandon që të rriturit të flenë të paktën 7 orë çdo natë. Ata gjithashtu vlerësojnë se 1 në 3 të rritur nuk bëjnë gjumë të mjaftueshëm.

Ndërprerjet e herëpashershme të gjumit mund të jenë një shqetësim, ndërsa mungesa e vazhdueshme e gjumit cilësor mund të ndikojë në paraqitjen e një personi në punë ose në shkollë, aftësinë për të funksionuar çdo ditë, cilësinë e jetës dhe shëndetin.

Ky artikull shqyrton efektet e mungesës së gjumit dhe si ti trajtojmë dhe parandalojmë ato.

Sa gjumë u nevojitet njerëzve?

Është e rëndësishme të merret parasysh cilësia, si dhe sasia e gjumit. Nëse një person ka gjumë me cilësi të ulët, ai ndihet i lodhur të nesërmen, pavarësisht se sa orë ka fjetur.

Gjumi me cilësi të ulët mund të përfshijë: zgjimin e shpeshtë gjatë natës, vështirësi në frymëmarrje të tilla si apnea e gjumit, një mjedis që është shumë i nxehtë, i ftohtë ose i zhurmshëm,një shtrat i parehatshëm.

Simptomat e mungesës së gjumit

Një person që fle pak mund të përjetojë një sërë simptomash ku përshihen lodhja, nervozizmi, ndryshimet e humorit, vështirësi për t’u përqendruar dhe mbajtur mend, dëshirë e reduktuar seksuale.

Efektet në trup

Mungesa e gjumit mund të ndikojë në aspekte të ndryshme të shëndetit duke përfshirë:

Sistemin imunitar: Mungesa e gjumit mund të bëjë që një person të jetë më i prirur ndaj infeksioneve të cilat mund të zgjasin më shumë si dhe sëmundjet e frymëmarrjes.

Pesha: Gjumi mund të ndikojë në hormonet që kontrollojnë ndjenjën e urisë dhe ngopjes. Gjithashtu mund të shkaktojë lirimin e insulinës. Ndryshimet në gjumë mund të shkaktojnë rritje të depozitimit të yndyrës, ndryshime në peshën trupore dhe një rrezik më të lartë të diabetit të tipit 2.

Sistemi kardiovaskular: Gjumi ndihmon enët e zemrës të shërohen dhe rindërtohen dhe ndikon në proceset që ruajnë presionin e gjakut, nivelet e sheqerit dhe kontrollin e inflamacionit. Gjumi i pakët mund të rrisë rrezikun e sëmundjeve kardiovaskulare.

Nivelet e hormoneve: Gjumi i pamjaftueshëm mund të ndikojë në prodhimin e hormoneve, duke përfshirë prodhimin e hormoneve të rritjes dhe testosteronit. Gjithashtu bën që trupi të lëshojë hormone shtesë të stresit, të tilla si norepinefrinë dhe kortizol.

Truri: Mungesa e gjumit ndikon në korteksin paraballor, i cili merret me emocionet. Mungesa e gjumit gjithashtu mund ta bëjë më të vështirë për një person të krijojë kujtime të reja të cilat mund të ndikojnë në të mësuarit.

Fertiliteti: Gjumi i dobët mund të ndikojë në prodhimin e hormoneve që nxisin fertilitetin.

Rritja e rrezikut të aksidenteve

Mungesa e gjumit mund të kufizojë aftësinë për të: kushtuar vëmendje, reaguar shpejt, marrjen e vendimeve.

Një person që fle shumë pak mund të ketë një rrezik më të lartë për vozitje të përgjumur gjë që mund të çojë në aksidente.

Efektet dhe komplikimet afatgjata

Në terma afatgjatë të fleni pak mund të rrisë rrezikun e: hipertensionit, diabetit ose rezistencës ndaj insulinës, apnesë së gjumit, obezitetit, sulmeve në zemër, goditjeve në tru, depresionit dhe ankthit, psikozës.

Trajtimi

Ka shumë mënyra për një gjumë cilsor duke përfshirë këshillimin, stilin e jetës dhe rregullimet mjedisore, medikamentet dhe terapitë alternative. Gjithashtu një person ndonjëherë ka nevojë për trajtimin e gjendjes shëndetësore.

Teknikat e relaksimit: Meditimi, trajnimi i vetëdijes, ushtrimet e frymëmarrjes dhe pozitat e drejtuara mund të ndihmojnë në uljen e tensionit. Regjistrimet audio dhe aplikacionet e gjumit gjithashtu mund të ndihmojnë.

Terapia konjunktive e sjelljes: E njohur si CBT kjo mund të ndihmojë një person të identifikojë mënyrat e mendimit që kontribuojnë në gjumin e paktë.

Strategjitë e kujdesit në shtëpi

Ndryshimi i zakoneve të gjumit dhe mjedisit të gjumit shpesh mund të ndihmojnë. Përpiquni të shkoni në shtrat dhe të zgjoheni në të njëjtat orë çdo ditë, madje edhe në fundjavë, me synimin për të vendosur një rutinë. Shmangia e ngrënies 2-3 orë para gjumit. Pasi përpiqeni të bini në gjumë për 20 minuta, ngrihuni dhe lexoni, pastaj provoni përsëri më vonë. Bëni ushtrime të rregullta gjatë ditës. Mbajeni dhomën e gjumit të qetë, të errët dhe të freskët. Fikni pajisjet elektronike dhe mbajini larg nga zona e gjumit. Kufizoni konsumimin e kafeinës dhe alkoolit, veçanërisht afër kohës së gjumit. Shmangni përdorimin e duhanit. Përdorni një mbrojtës goje për të menaxhuar bruksizmin. Nëse këto masa nuk ndihmojnë duhet të konsultoheni me mjekun amë. /Ajo.mk

Leave a Reply

Your email address will not be published.