RRETH NJË NË DHJETË GRA NË MBARË BOTËN VUAJNË NGA ENDOMETRIOZA

RRETH NJË NË DHJETË GRA NË MBARË BOTËN VUAJNË NGA ENDOMETRIOZA

Rreth një në dhjetë gra në mbarë botën vuajnë nga endometrioza. Gjendja karakterizohet nga dhimbje kronike të legenit, e cila nuk është vetëm jashtëzakonisht e dhimbshme, por gjithashtu mund të rezultojë në infertilitet. Shkaktohet nga indi që i ngjan shtresës së brendshme të mitrës (i njohur si endometrium) që rritet jashtë mitrës. Aktualisht nuk ka kurë për endometriozën dhe megjithëse ka trajtime të disponueshme për menaxhimin e simptomave dhe dhimbjes, këto shpesh kanë efektivitet të kufizuar – me disa prova që tregojnë se 11% dhe 19% e grave nuk kanë zbutje të dhimbjes.

Shumica e trajtimeve aktuale të dhimbjes për endometriozën janë fokusuar në synimin e asaj që njihet si “dhimbje nociceptive”. Kjo është dhimbje që shoqërohet me dëmtim të mundshëm ose aktual të indeve. Në përgjithësi, dhimbja nociceptive u përgjigjet mirë qetësuesve standardë, kështu që shumica e trajtimeve të endometriozës përmbajnë ibuprofen ose paracetamol.

Por duke pasur parasysh se vetëm disa gra me endometriozë i përgjigjen këtyre llojeve të trajtimeve të dhimbjes, studiuesit tani kanë filluar të hetojnë një lloj tjetër trajtimi bazuar në atë që quhet dhimbje neuropatike. Kjo është dhimbje që ndodh për shkak të dëmtimit të vetë nervave – dhe shpesh nuk i përgjigjet qetësuesve si ibuprofeni. Kushtet e dhimbjes neuropatike mund të shkaktojnë shqetësime të mëdha psikologjike dhe dhimbje të forta.

Ne donim të dinim nëse dhimbja neuropatike mund të shpjegonte pse disa gra nuk po i përgjigjeshin trajtimeve tradicionale të dhimbjes së endometriozës dhe zbuluam se 40% e njerëzve me këtë gjendje mund të klasifikohen që përjetojnë këtë lloj dhimbjeje.

Dhimbje nervore

Deri kohët e fundit, asnjë hulumtim nuk kishte shqyrtuar nëse njerëzit me endometriozë kanë vërtet dhimbje neuropatike. Por ka disa teori pse të sëmurët mund të përjetojnë këtë lloj dhimbjeje.

Së pari, pjesët e indeve që fillojnë të rriten jashtë mitrës – të quajtura “lezionet endometriotike” – kanë nerva të rinj brenda tyre. Këto nerva të rinj mund të jenë më të ndjeshëm, ose mund të shtypen nga inde të tjera, të cilat të dyja mund të shkaktojnë dhimbje neuropatike.

Së dyti, mënyra e vetme përfundimtare për të diagnostikuar endometriozën është përmes laparoskopisë (ku një kamerë e vogël futet në legen përmes një prerjeje të vogël në kërthizën). Kjo natyrisht përfshin prerjen e nervave, të cilat mund të çojnë në dhimbje neuropatike pas operacionit.

Në një anketë të realizuar në internet me 1,417 njerëz që kishin raportuar se kishin endometriozë që ishte diagnostikuar me kirurgji laparoskopike u përdor një mjet kontrolli për dhimbjen neuropatike të quajtur painDETECT, i cili përbëhet nga nëntë pyetje që shtrojnë në lidhje me karakteristikat e dhimbjes – të tilla si nëse dhimbja është “dije” apo “si goditje elektrike”. Gjithashtu u pyetën se si dhimbja ndryshon me kalimin e kohës dhe nëse ajo rrezaton në zona të tjera të trupit. Në varësi të përgjigjeve që dhanë të anketuarit u kategorizuan njerëzit me dhimbje nociceptive ose dhimbje neuropatike – ose një përzierje e të dyjave.

Burimi: theconversation.com

Përktheu dhe përshtati Ajo.mk