STUDIMI GJERMAN: KAFEJA DHE ÇOKOLLATA PËR JETË MË TË GJATË

STUDIMI GJERMAN: KAFEJA DHE ÇOKOLLATA PËR JETË MË TË GJATË

Çokollatë dhe kafe për të jetuar më gjatë kështu thotë një studim i kryer së fundmi  në Gjermani. Por kafeja dhe çokollata kanë nevojë për një shtesë të tretë dhe ai është zinkun. Nëse këtë të fundit ia shtojmë kafes dhe çokollatës aktivizojmë një proces kompleks që ngadalëson plakjen.

Ky kombinim asgjëson “stresin e brendshëm” që ne natyrshëm e akumulojmë gjatë viteve dhe që lidhet me shumë sëmundje, që nga kanceri deri re Alzajmeri.

Zinku është një suplement relativisht i sigurt edhe në doza të larta dhe si i tillë mund të merret rregullisht për të ngadalësuar procesin e plakjes, thonë studiuesit gjerman.

Çokollata, vera, kafeja dhe çaji përmbajnë antioksidantët që njihen me emrin polifenole të cilat luftojnë dëmtimet qelizore.

Studiuesit e Universitetit Erlangen në Nuremberg zbuluan se zinku aktivizon polifenolin. Kjo bën që qelizat të mbrohen nga gazi i cili prodhohet nga mbetjet qelizore. Ky gaz mund të dëmtojë AND-në e njeriut dhe mendohet se luan një rol kyç në procesin e plakjes. Ai lidhet gjithashtu edhe me inflamacionet që shkaktojnë sëmundje të rënda si kanceri apo Alzajmeri. Polifenolet luftojnë efektivisht këtë gaz ndërsa kur kombinohen me zinkun ato krijojnë një megakompleks që kundërshton efektivisht ndikimin negativ të tij në organizëm, transmeton Tema.

Ky studim i publikuar në revistën “Nature Chemistry” është i pari që analizon efektet e kësaj enzime, pa përdorur vetitë kimike të metaleve si hekuri ose bakri.

Ekspozimi i tepërt ndaj këtyre dy të fundit mund të shkaktojë të ashtuquajturin stres i brendshëm. Sasia e madhe e hekurit lidhet me sëmundjen e mëlçisë, diabetin dhe madje edhe me problemet e zemrës, ndërsa sasia e madhe e bakrit mund të shkaktojnë ethe, anemi dhe presion të ulët të gjakut. Si një mënyrë për të luftuar efektet e tyre, zinku mund të kthehet në suplement që u bashkëngjitet këtyre ushqimeve në të ardhmen.