AKTIVITETI FIZIK NDIHMON SHËNDETIN FIZIK DHE MENDOR THONË STUDIMET BRITANIKE
Të gjithë e dimë se aktiviteti fizik është më se i dobishëm për shëndetin. Shumica e njerëzve ende e kanë të vështirë ta caktojnë një kohë të vogël për ushtrime. Një studim i ri, nga “British Journal of Sports Medicine”, zbuloi se çdo lloj ushtrimi që mund të bëni, krahas shëndetit fizik, mund të përmirësojë edhe shëndetin mendor. Studimi thotë se do të mjaftonin për ushtrime vetëm 20 minuta në javë! Ushtrimet forcojnë rrjedhën e gjakut në tru, zvogëlojnë inflamacionin dhe zbusin stresin. Këto tre aftësi mund të ndihmojnë në parandalimin e ankthit, depresionit dhe madje edhe çmendurinë. Ushtrimet janë të mira për zemrën dhe ndihmojnë në parandalimin e mbipeshës dhe diabetit të tipit 2, thotë studimi, me gati 20,000 të rritur nga Skocia. Studiuesit zbuluan se palestra, përfshirë sportet, ecjen, kopshtarinë ose punët e thjeshta të shtëpisë, ulin për 41% rrezikun e shqetësimeve mendore.
Një studimi tjetër i ri vjen në një revistë mjekësore në Mbretërinë e Bashkuar. Studiuesit zbuluan se kushdo që bën aktivitet aerobiku për një periudhë të gjatë kohore mund të shtyjnë procesin natyror të plakjes së trupit të tyre. Studimi thotë se vrapimi i shpejtë, biçikleta dhe format e tjera të aktivitetit aerobik përmirësojnë mënyrën se si trupi konsumon oksigjen dhe gjeneron energji. Gjatë moshës së mesme, aftësia e trupit për të kryer aftësi aerobike ulet me një masë të caktuar çdo 10 vjet. Kur kjo bie nën një pikë të caktuar, është e vështirë të kryesh palestër pa u lodhur shpejt. Një person në moshën 60 vjeç ka rreth gjysmën e “fuqisë maksimale aerobike” që ai ose ajo kishte në moshën 20 vjeç.
Por nëse personi bën ushtrime të forta aerobike për një kohë të gjatë, kjo rrit atë fuqi aerobike. Ajo e rrit atë në ekuivalentin e 10 deri në 12 vjet biologjike. E bën këtë duke e bërë trupin më efikas në marrjen e oksigjenit dhe qëndrimin me energji, thotë studimi./Ajo.mk
Leave a Reply