NUK KA PROVA SHKENCORE QË KAFEJA RRIT TENSIONIN E GJAKUT-FONDACIONI GJERMAN I ZEMRËS

NUK KA PROVA SHKENCORE QË KAFEJA RRIT TENSIONIN E GJAKUT-FONDACIONI GJERMAN I ZEMRËS

Kafeja mund të rrisë shkurtimisht presionin e gjakut sepse kafeina stimulon sistemin kardiovaskular dhe e bën zemrën tuaj të rrahë më shpejt por kjo ndodh kryesisht nëse nuk jeni mësuar me kafeinën. Edhe pse besohet gjerësisht se kafeja rrit presionin e gjakut nuk ka asnjë hulumtim që mbështet këtë.

Ekspertët nga Fondacioni Gjerman i Zemrës thonë se mund të pini me siguri të paktën katër filxhanë në ditë edhe nëse vuani nga presioni i lartë i gjakut. Ata theksojnë se nuk ka asnjë provë shkencore që kafeina është e keqe për hipertensionin. Kafeja mund të rrisë shkurtimisht tensionin e gjakut sepse kafeina stimulon sistemin kardiovaskular dhe përshpejton zemrën por kjo zakonisht ndodh nëse nuk jeni mësuar me kafeinë. Rritja e tensionit të gjakut është më e vogël tek njerëzit që pinë kafe rregullisht. Ky efekt arrihet pas pirjes së rregullt të kafesë për një deri në dy javë, sipas një publikimi nga Fondacioni Gjerman i Zemrës.

Kjo vlen edhe për çajin jeshil dhe atë të zi, duke qenë se në këto raste bëhet fjalë për stimulues. Megjithatë, duhet të përpiqeni të kufizoni veten në jo më shumë se 400 miligramë kafeinë në ditë nëse jeni duke menduar për shëndetin e zemrës, thotë Fondacioni Gjerman i Zemrës. Kjo është më shumë se sa pinë shumica e njerëzve – rreth katër deri në pesë filxhanë kafe në ditë.

Nëse keni ndërmend të matni tensionin e gjakut, bëjeni para se të pini kafenë ose rreth 30 minuta më pas, për t’u siguruar që të mos ndikojë në matje. Ndërkohë, përpiquni të shmangni pilulat e kafeinës pasi ato mund të ndikojnë negativisht në presionin e gjakut.