DIETA OPTIMALE ZGJAT JETËN
Të gjithë njerëzit duan të jetojnë më gjatë dhe shpesh thuhet se çelësi për ta bërë këtë është të bësh jetë më të shëndetshme, si p.sh: ushtrime, shmangia e duhanit dhe mos pirja e tepërt e alkoolit. Studimet kanë treguar gjithashtu se dietat mund të rrisin jetëgjatësinë.
Studimi krijoi një model të asaj që mund të ndodhë me jetëgjatësinë e një burri ose një gruaje nëse ata zëvendësojnë një “dietë tipike perëndimore” të fokusuar në mishin e kuq dhe ushqimet e përpunuara me një “dietë të optimizuar” të fokusuar në ngrënien e më pak mishit të kuq dhe të përpunuar dhe më shumë fruta dhe perime bishtajore, drithëra dhe arra.
Sipas studimit të botuar në revistën PLOS Medicine, nëse një grua fillon të praktikojë një dietë optimale në moshën 20 vjeçare ajo mund të rrisë jetëgjatësinë e saj me pak më shumë se 10 vjet, ndërsa nëse një burrë aplikon dietë të shëndetshme që nga e njëjta moshë, ai mund t’i zgjasë jetën për 13 vjet.
Një studim tjetër ka zbuluar se të ngrënit më shëndetshëm mund të zgjasë jetëgjatësinë me gjashtë deri në shtatë vjet te të rriturit e moshës së mesme dhe te të rinjtë mund të rrisë jetëgjatësinë me rreth dhjetë vjet. Studiuesit mblodhën të dhëna nga shumë studime që shqyrtonin dietën dhe jetëgjatësinë, krahas të dhënave nga studimi Global Burden of Disease i cili ofron një përmbledhje të shëndetit të popullsisë nga shumë vende. Duke kombinuar këto të dhëna, autorët më pas ishin në gjendje të vlerësonin se si jetëgjatësia ndryshonte vazhdimisht me marrjen e frutave, perimeve, drithërave, drithërave të rafinuara, arrave, bishtajore, peshk, vezë, bulmet, mish të kuq, mish të përpunuar dhe pije me sheqer. Autorët më pas ishin në gjendje të prodhonin një dietë optimale për jetëgjatësi, të cilën më pas e krahasuan me dietën tipike perëndimore – e cila kryesisht përmban sasi të larta të ushqimeve të përpunuara, mish të kuq, produkte qumështi me yndyrë të lartë, ushqime me shumë sheqer, ushqime të para paketuara dhe konsum të ulët të frutave dhe perimeve.
Ata zbuluan gjithashtu se ndryshimi nga një dietë perëndimore në dietën optimale në moshën 60-vjeçare do të rriste jetëgjatësinë me tetë vjet. Për 80-vjeçarët, jetëgjatësia mund të rritet me pothuajse tre vjet e gjysmë.
Leave a Reply