GRATË DHE VAJZAT NUK GUXOJNË TË VIZITOJNË PARQET ARGËTUESE NË TË NJEJTËN DITË ME BURRA
Parqet argëtuese në Afganistan do të ndahen sipas gjinisë. Ky është vendimi i fundit i qeverisë talebane në Kabul. Kjo thellon edhe më shumë shqetësimet për të drejtat e vajzave dhe grave, pasi ajo pason një ndryshim të minutës së fundit gjatë javës së kaluar i cili i ndaloi vajzat afgane të ktheheshin në shkollat e hapura.
Ministria e Parandalimit të Talebanëve ka lëshuar një urdhër që të gjitha parqet argëtuese, vendet e shoqërimit dhe lojërave në Kabul të jenë të hapura për gratë dhe vajzat nga e diela në të martë, ndërsa djemtë dhe burrat do të lejohen nga e mërkura deri të shtunën. Ndërsa në këtë vendim nuk ka përjashtime për familjet në urdhrin e ministrisë.
OKB-ja dhe vëzhguesit e tjerë ndërkombëtarë kanë paralajmëruar vazhdimisht për abuzimin e vajzave dhe grave gjatë regjimit shtatë mujor të talebanëve, duke përfshirë kufizime drakoniane në lëvizjen e tyre, lirinë për të punuar ose për të udhëtuar, ose aftësinë e tyre për të kryer edhe aktivitetet më të thjeshta të përditshme në publik.
“Regjimi taleban është tani zyrtarisht një shtet policor autoritar i aparteidit gjinor,” tha Tamim Asei, drejtor ekzekutiv i Institutit të Afganistanit për Studimet e Luftës dhe Paqes dhe Këshillit për Marrëdhëniet me Jashtë. “Ndërsa regjimi është një realitet de fakto, ai nuk meriton asnjë njohje dhe legjitimitet ” shtoi ai. Deklarata e tij vjen pas shpalljes së sotme për ndalimin e socializimit gjinor në parqet argëtuese./Ajo.mk
Leave a Reply