MUSHKONJAT BARTIN DISA SËMUNDJE

MUSHKONJAT BARTIN DISA SËMUNDJE

Mushkonjat përveç që ju shqetësojnë me pickime ato transmetojnë disa sëmundje. Nga sëmundjet më të njohura është virusi Zika i cili dëmton trurin e të porsalindurve. Por ato transmetojnë edhe sëmundje të tjera:

MALARIA

Malaria gjendet në më shumë se 100 vende kryesisht në tropikale. Simptomat mund të përfshijnë ethe, temperaturë dhe të dridhura. Sipas një raporti të OBSH-së të vitit 2015, rreth 3.2 miliardë njerëz janë të rrezikuar nga malaria. Vetëm atë vit pati 214 milionë infeksione të reja dhe 438,000 vdekje.

ETHET E VERDHA

Sëmundja është e rrallë tek turistët dhe mund të gjendet në Afrikën Sub-Sahariane, Amerikën e Jugut dhe pjesë të Karaibeve. Simptomat variojnë nga ethe e lehtë në të rëndë dhe mund të parandalohen me vaksinim.

ETHET DENGE

Rreth një e treta e popullsisë së botës jeton në zona ku mund të ndodhë ethet e dengës. Të paktën 100 milionë njerëz e marrin sëmundjen çdo vit duke e bërë atë më vdekjeprurëse në tropikët dhe subtropikët. Vitin e kaluar, OKB-ja bëri thirrje për dërgimin e ndihmës në Jemen pasiqë 3000 njerëz ishin të infektuar.

VIRUSI CHIKUNGUNYA

Ai u zbulua në vitin 2013 dhe epidemitë janë raportuar në Afrikë, Azi, Evropë dhe në Oqeanin Indian dhe Paqësor. Sëmundja karakterizohet nga ënjtje e kyçeve, dhimbje koke dhe dhimbje në trup. Një kurë ende nuk është gjetur.

VIRUSI I NILIT PERËNDIMOR

Virusi i Nilit Perëndimor është një nga sëmundjet më të zakonshme që transmetohen nga mushkonjat por shkakton probleme në më pak se një për qind të atyre që janë të infektuar me simptoma të ngjashme me gripin.

ENCEFALITI LINDOR I KUAJVE

Konsiderohet gjithashtu si një nga sëmundjet më të zakonshme në mesin e atyre që transmetohen nga mushkonjat dhe vret rreth 35% të të infektuarve, ndërsa 50% përfundojnë me lëndime të rënda të trurit. Sëmundja është raportuar në Shtetet e Bashkuara, Kanada, Amerikën Qendrore dhe Jugore.

ENCEFALITI PERËNDIMOR I KUAJVE

Ai sulmon si njerëzit ashtu edhe kuajt. Rasti i parë u raportua në vitin 1930 në Kaliforni. Gjendet kryesisht në Shtetet e Bashkuara perëndimore dhe Meksikë dhe simptoma janë ose dobësi e lehtë e trupit ose pa simptoma fare.

ENCEFALITI JAPONEZ

Ndodhet kryesisht në Azi dhe Paqësorin perëndimor. Disa pacientë mund të mos kenë simptoma por shumica marrin inflamacion të muskujve dhe ngërçe. Një në 250 raste sëmundja sulmon trurin dhe më pas nuk ka shërim.