NJË MILION FËMIJËVE NË LONDËR U OFROHET VAKSINIMI URGJENT KUNDËR POLIOMIELITIT

NJË MILION FËMIJËVE NË LONDËR U OFROHET VAKSINIMI URGJENT KUNDËR POLIOMIELITIT

Rreth një milion fëmijëve nën moshën 10 vjeç në Londër do t’u ofrohet një vaksinë urgjente ndaj poliomielitit pasi virusi u konfirmua se po përhapet në të gjithë qytetin. Dihet se virusi shkakton paralizë në një në 100 raste të infeksionit dhe mund të jetë më i rrezikshëm për fëmijët.

Autoritetet në Britaninë e Madhe kanë njoftuar se virusi është zbuluar 116 herë, por deri më tani askush nuk është diagnostikuar zyrtarisht me virusin. Zyrtarët theksuan se rreziku aktualisht është i ulët për shkak se qytetarët mbrohen nga vaksinimi në fëmijëri.

Megjithatë, virusi zbulohet më së shpeshti në ato periferi ku normat e vaksinimit janë ndër më të ulëtat në Britaninë e Madhe. Së shpejti në ato zona do të nisë një fushatë emergjente vaksinimi dhe prindërit këshillohen që t’i vaksinojnë fëmijët e tyre “sa më shpejt të jetë e mundur” edhe nëse fëmijët vaksinohen rregullisht kundër poliomielitit.

Pesë periferitë ku u konstatua shpërthimi i virusit kanë shkallën më të keqe të vaksinimit në vend, ku vaksinën e kanë marrë vetëm rreth 54.7 për qind e fëmijëve.