PUBLIKOHEN REKOMANDIMET E PARA PËR LINË E MAJMUNËVE

PUBLIKOHEN REKOMANDIMET E PARA PËR LINË E MAJMUNËVE

Sipas udhëzimeve më të fundit të publikuara nga Shërbimi Britanik i Shëndetësisë (UKHSA), personat që janë infektuar me linë e majmunëve rekomandohet të izolohen në shtëpi për sa kohë që nuk kanë simptoma serioze dhe marrin masa paraprake duke kufizuar kontaktet e ngushta me njerëzit e tjerë. Shërbimi Britanik i Shëndetësisë raporton se personat që janë të infektuar duhet të shmangin kontaktin me njerëzit e tjerë derisa puçrrat të zhduken nga lëkura.

Ekspertët britanikë thanë gjithashtu se të infektuarit duhet të shmangin marrëdhëniet seksuale sapo të shfaqen simptomat e para të lisë së majmunëve. Edhe pse nuk ka prova të disponueshme që lija e majmunit transmetohet përmes sekrecioneve mukoze, të infektuarit këshillohet që të përdorin prezervativë për tetë javë pas infektimit për arsye paraprake. Gjatë muajit maj janë konfirmuar rreth 300 raste me virusin e lisë së majmunëve. Deri më tani nuk është raportuar asnjë vdekje. Simptomat e lisë së majmunëve janë të ngjashme me ato të lisë: ethe, lodhje dhe flluska që përhapen në fytyrë dhe trup.

Organizata Botërore e Shëndetësisë tha sëmundja nuk është e rrezikshme dhe nuk shkakton viktima nëse trajtohet që në fillimin e simptomave por mund të jetë e rrezikshme për fëmijët, gratë shtatzëna dhe personat me imunitet të dobët.