UKIM UNIVERSITETI MË I MIRË NË VEND, USHT PAS UNIVERSITETIT TË SHTIPIT DHE UEJL-IT

UKIM UNIVERSITETI MË I MIRË NË VEND, USHT PAS UNIVERSITETIT TË SHTIPIT DHE UEJL-IT

Në listën botërore të universiteteve sipas renditjes Webometrics të Universiteteve Botërore (Webometrics), Universiteti “Shën Kirili dhe Metodi” mbetet universiteti i renditur më mirë nga vendi.

Në renditjen e janarit Universiteti “Shën Kirili dhe Metodi” është renditur në vendin e 1594-të, apo 100 pozita më poshtë krahasuar me renditjen e korrikut 2021. I dyti është radhitur Universiteti “Goce Dellçev” nga Shtipi, i cili renditet në vendin e 3711-të në mesin e universiteteve botërore, për dallim nga pozita e 3153-të që zinte në renditje gjashtë muaj më parë. I treti në listë është Universiteti i Evropës Juglindore nga Tetova, i cili në janar të këtij viti është në vendin e 4547-të, ndërsa vitin e kaluar në korrik ishte në pozitën e 4094-të në renditjen botërore. Vlerësimi i Universitetit Shtetëror të Tetovës është në pozitën e 4610-të në renditje në janar 2022, krahasuar me vendin e 4475-të që fitoi në korrik 2021. Universiteti “Shën Kliment Ohridski” nga Manastiri në listën botërore në janar 2022 zë vendin e 6304-të, ndërsa në renditjen e mëparshme të Webometrics ishte në pozitën e 5439-të.

Ndër pozitat kryesore të renditura nga gjithsej 22 institucione të arsimit të lartë në vend, ka një përmirësim të renditjes në janar 2022 krahasuar me korrikun 2021 në Universitetin Ndërkombëtar Ballkanik në vendin e 8877 dhe Universitetin e Shkencave dhe Teknologjisë së Informacionit nga Ohri e cila gjendet në pozitën e 14,444 në listën botërore të universiteteve më të mira. Në pozitën e parë, si universiteti më i mirë në botë në janar 2022 renditet Universiteti i Harvardit në Shtetet e Bashkuara.