DISA USHQIME NUK DUHET TI PËRZIENI ME ILAÇE

DISA USHQIME NUK DUHET TI PËRZIENI ME ILAÇE

Disa ushqime mund të ndalojnë efektin e ilaçeve, ose në rastin më të keq mund të kenë efekte anësore të rrezikshme. Dr Aisling Hillick, ka sqaruar për “Mirror” se cilat janë këto ushqime.

Bananet

Bananet duhet t’i shmangni nëse merrni ilaçe për rregullimin e presionit të gjakut. Përzier me këto barna, bananet mund të shkaktojnë nivele të larta të kaliumit.

Limoni jeshil

Nëse jeni duke marrë ilaçe për kollë, atëherë mos hani limona jeshilë dhe portokall, sepse mund të keni efekte anësore si halucinacione apo përgjumje.

Alkooli

Shmangni alkoolin nëse jeni duke marrë ilaçe diabeti ose qetësues. Këto ilaçe shpesh kanë një paralajmërim për të shmangur alkoolin.

Kjo për shkak se alkooli ushtron presion mbi mëlçinë tuaj, duke rritur rrezikun e dëmtimit të saj.

 Portokalli i kuq

Portokalli i kuq përmban një përbërës që mund të bllokojë shpërbërjen e shumë medikamenteve në organet e brendshme, përfshi disa, por jo të gjitha, ilaçet për uljen e kolesterolit, (statinat), antidepresivët, ilaçet e migrenës, holluesit e gjakut, ilaçet e tensionit dhe ilaçet e diabetit.

Por jo të gjitha agrumet duhet të kufizohen, apo të shmangen. Vetëm portokallet e Seviljes, kanë një efekt të ngjashëm, edhe kur përdoren si marmelatë. Portokalliet e tjera janë në rregull. Kufizim do të thotë të mos konsumosh as një gjysmë portokalli i kuq.

 Zarzavate me gjethe të gjelbra/perime

Këto ushqime janë të pasura me vitaminën K dhe mund të ndërhyjnë me veprimin e disa holluesve të gjakut. Holluesit e gjakut merren për të parandaluar mpiksjen, ndërsa vitamina K promovon koagulimin e gjakut. Ndaj duket mbajtur parasysh që të përdoren në sasi të kufizuara. Është mirë që një dietë ditore të përshkruhet edhe nga doktori juaj, për shembull, në lidhje me sallatën apo brokolin që duhet të përdorni. Mbani mend këtë dozë në mënyrë që holluesit e gjakut që ju merrni të kenë efekt.

Produktet e qumështit/suplementet e kalciumit

Produktet e qumështit mund të ndërhyjnë në procesin e përthithjes së disa antibiotikëve dhe suplementeve të hekurit. Prandaj mos i merrni së bashku. Ndërkohë që kalciumi që gjendet në produktet e qumështit, është I dobishëm për shëndetin. Megjithatë, mos e teproni me marrjen e shtesave të kalciumit, ndërkohë që merrni disa ilaçe anti-refluks, që janë të pasura me kalcium, sepse trupit tonë i duhen 1000 – 1200 mg kalcium në ditë, por jo më shumë.