PIJET ENERGJIKE DËMTOJNË FLOKËT
Një grup shkencëtarësh kanë pohuar se ekziston gjithashtu një lidhje midis pijeve me sheqer, përfshirë pijet energjike, dhe përshpejtimit të rënies së flokëve tek meshkujt. Gjetjet u botuan në një revistë të rishikuar të quajtur Nutrients dhe detajojnë një studim të kryer nga shkencëtarët kinezë me mbi 1000 burra.
Ekspertët nga Universiteti Tsinghua në Pekin zbuluan se meshkujt që pinë sasi të mëdha pijesh energjike, si dhe pije të gazuara, madje edhe çaj dhe kafe të ëmbël, janë në rrezik më të madh të vuajnë nga rënia e flokëve.
Për të nxjerrë përfundimin e tyre, burrave të përfshirë në studim iu kërkua të konsumonin nga një deri në tre litra pije çdo javë, përpara se të vlerësonin se çfarë u ndodhi atyre. Në fund, ata vunë re se ata që konsumonin më shumë se një pije të ëmbël çdo ditë ishin në një rrezik 42 për qind më të madh për të përjetuar rënie të flokëve, krahasuar me burrat e tjerë që nuk pinin asnjë nga pijet e lartpërmendura.
Burrat që pranuan se po përjetonin rënie të flokëve thanë gjithashtu se konsumonin mesatarisht 12 pije të ëmbla në javë.
Leave a Reply