PSE HARROJMË?

PSE HARROJMË?

Nganjëherë harresa është më e mirë për shëndetin tonë mendor sesa të kujtuarit, sipas psikologëve, por të kuptuarit e shkaqeve të mungesës së kujtesës na ndihmon gjithashtu të kujtojmë më mirë. Ne të gjithë priremi të harrojmë gjërat, një fakt i trishtuar që na bën të marrim parasysh krijesat me të meta që jemi.

Ky fakt është i pakëndshëm dhe mund të na zemërojë, por gjithashtu mund të na ndihmojë të relaksohemi, në fund të fundit, a do të dëshironim gjithmonë të kujtojmë vërtet gjithçka?

Njerëzit duan të qëndrojnë besnikë ndaj kujtimeve të tyre nga fëmijëria deri në pleqëri. Zakonisht harrojmë se kujtimet tona janë gjithashtu të plagosura nga traumat dhe incidentet lënduese dhe zemërthyese.

Akoma më keq, ne zakonisht nuk i kujtojmë përvojat tona traumatike siç ishin, duke u prirur t’i kujtojmë ato në një mënyrë të shtrembëruar, e cila quhet “përforcim i kujtesës”. Si rezultat, të kujtuarit mund të jetë më problematik sesa harresa në përpjekjet tona për të rregulluar shtëpinë e vogël në trurin tonë, sipas psikologëve.

“Fatkeqësisht, përforcimi i kujtesës mbart pasoja reale: sa më shumë përforcim të shfaqin njerëzit, aq më shumë ka gjasa që ata të raportojnë simptomat e “ri-përjetimit” të lidhura me çrregullimin e stresit post-traumatik (PTSD), siç janë mendimet dhe imazhet ndërhyrëse”, shkroi Deryn  . Strange, profesore e psikologjisë në Kolegjin e Drejtësisë Penale John Jay dhe Melanie KT Takarangi, profesoreshë e asociuar e psikologjisë në Universitetin Flinders.

Por si mund të pastroni informacionin e padobishëm në favor të thelbësores?

Pastrimi nuk është vetëm diçka që ndodh sistematikisht ndërsa jeta juaj kalon. Ekspertët mendojnë se momentet e krizës zakonisht i detyrojnë njerëzit të mendojnë për atë që duhet të pastrojnë.

Psikologët besojnë se nëse identifikoni se kush jeni dhe çfarë dëshironi të bëni në jetën tuaj në atë moment, do të jeni në një pozicion të mirë për të hequr atë që nuk ju nevojitet më, duke mbajtur afër gjërat që kanë vërtet rëndësi.

Teknikat e përmirësimit të kujtesës

Shkencëtarët mendojnë se strategjitë e përmirësimit të kujtesës , si provimi i informacionit, mund t’i ndihmojnë njerëzit të zbulojnë se çfarë është me të vërtetë e nevojshme dhe çfarë jo për ta. Këto teknika gjithashtu i ndihmojnë njerëzit të ndajnë informacionin e gabuar të ruajtur në kujtimet e tyre nga ato të duhurat.

Shumicën e kohës, sistemi ynë mendor është i mbërthyer me motivime, informacione, fantazi dhe realitete të ndryshme, duke bërë efekte kritike në interpretimet tona të ngjarjeve të vjetra ose në mënyrën se si kujtojmë kujtimet e kaluara.