VETËM 30% E JETËGJATËSISË VARET NGA GJENETIKA E TRASHËGUAR, THONË STUDIMET

VETËM 30% E JETËGJATËSISË VARET NGA GJENETIKA E TRASHËGUAR, THONË STUDIMET

Në studime të shumta është konstatuar se vetëm 30% e jetëgjatësisë varet nga gjenetika e trashëguar. Kjo do të thotë që përqindja më e lartë i mbetet faktorëve të jashtë, ku përfshihet dhe ushqimi.  Diskutimet rreth diferencës që ka në organizëm një dietë me produkte të mishit kundër asaj që nuk e lejon ende janë të hapura. Në një nga studimet më të fundit u vu re se personat që nuk konsumonin mish, apo nënprodukte të tij, jetonin më gjatë. Për më tepër, sa më shumë kohë kishte një person që nuk konsumonte këto produkte aq më i shëndetshëm ishte. Duke nisur nga rreziku i shfaqjes së sëmundjeve të zemrës si tensioni i lartë apo kolesteroli i lartë e deri tek shfaqja e qelizave tumoriale. Gjithashtu konsumimi i tepër i mishit në shumë raste ka ndikuar dhe në shfaqjen e problemeve me nivelin e sheqerit në gjak.

POR A DO TË THOTË KJO QË MISHI NUK DUHET KONSUMUAR FARE?

Çdo rast duhet trajtuar në mënyrë individuale, kjo është këshilla që ekspertët japin më shpesh. Sigurisht që jetëgjatësia ndryshon me çdo person, në saj të rutinë dhe jetës që ai bën. Duke qenë se mishi dhe nënproduktet e tij janë ushqime kalorike, dhe me përqindje të lartë yndyre nëse konsumohen në sasi të larta kanë ndikim në organizëm. Prandaj çelësi i një plakjeje sa më të shëndetshme është që të kontrolloni ushqimet që ju hani. Me kalimin e kohës trupi humbet aftësinë për të tretur shumë ushqime, të cilat mjekët ju sugjerojnë që t’i konsumoni sa më pak. Njëri nga ata është edhe mishi.