METEREOLOGËT PARALAJMËROJNË DERI NË FUND TË JAVËS RRESHJE TË SHIUT DHE BORËS
Drejtori për Punë Hidro Meteorologjike për të enjten paralajmëron reshje të shiut, sidomos në orët e pasdites dhe në orët e natës, kur reshjet lokalisht do të jenë të rrëmbyeshme, me mbi 30 litra në metër katrorë dhe vende-vende të shoqëruara me bubullima.
Në male reshjet do të jenë me borë. Do të vazhdojë të fryjë erë e përforcuar e fuqishme nga drejtimi jugor me mbi 70 kilometra në orë me temperatura të larta.
Nga e premtja do të ketë ftohje të konsiderueshme dhe reshjet e shiut në disa vende gradualisht do të kalojnë në reshje të borës. Në male do të formohet shtresë e konsiderueshme e borës.
Sipas DPHM-së, deri nga mesi i javës së ardhshme do të ketë reshje të kohëpaskohshme të shiut dhe borës me intensitet të ndryshueshëm.
Në fushëgropën e Shkupit të enjten do të ketë reshje të kohëpaskohshme të shiut dhe do të fryjë kohë pas kohe erë nga drejtimi jugor. Të premten nga fundi i ditës dhe të shtunën na presin reshje të borës dhe formim i një shtrese më të vogël të borës.
Nga e diela deri nga mesi i javës tjetër do të ketë reshje të kohëpaskohshme të shiut dhe borës me intensitet të ndryshueshëm.
Leave a Reply