FËMIJËT NUK DUHET TË DINË DISA GJËRA PËR PARATË

FËMIJËT NUK DUHET TË DINË DISA GJËRA PËR PARATË

Ka disa gjëra që fëmijët nuk janë gati t’i përvetësojnë prandaj ekspertët këshillojnë se atyre nuk duhet tu thuhet se sa para fitojnë prindërit, cili prej tyre fiton më shumë apo sa para keni kursyer.

FITIMET

Nuk duhet të ndani me fëmijët se sa para ju merrni, 100 mije apo 1 milion, por duhet t’i jepni atij kontekstin nëse ju pyet.
P.sh, ju mund t’i thoni sesa është mesatarja e të ardhurave për një familje dhe më pas mund t’i tregoni se ku ju qëndroni rreth kësaj shifre, pak më shumë ose pak më pak. Ju nuk keni pse t’ia fshihni fëmijës nëse ju pyet por gjithashtu duhet ti tregoni fëmijës se familja fiton pak a shumë si të gjithë familjet e tjera.

CILI NGA PRINDËT FITON MË SHUMË?

Në një familje, nuk duhet të shpallni se kush është ai që sjell më shumë të ardhura. Duke shprehur me shifra se sa babai apo nëna fitojnë, ju mund të perceptoni tek fëmija se cili prind është duke kontribuar më shumë dhe se kush është më i rëndësishëm. Kur rriten fëmijët, është e natyrshme që ju mund t’i tregoni se cili zanat sjell më shumë të ardhura, p.sh. një mjek apo një mësues.

SA PARA KENI KURSYER PËR PENSION

Llogaritë e daljes në pension janë të komplikuara madje edhe për disa të rritur. Pra, mjafton tu thoni fëmijëve se ndoshta nuk do ta kuptoni se si dhe sa janë të kursyera, kaloni këto çështje me mirësjellje.

KUSH JU KA BORXH

Paraja është shpesh një vegël pse familjet nuk funksionojnë. Është mirë që fëmija juaj të mos përzihet. Nëse një i afërmi juaj ju ka para borxh është e rëndësishme të edukoni fëmijët tuaj se në disa raste mund t’i jepen të afërmeve të familje disa para borxh por mos e përdorni me shembuj konkret.

SA PARA E PAGUANI KUJDESTAREN NË SHTËPI APO NDONJË TË ANGAZHUAR TJETËR?

Nëse keni punësuar një kujdestare për fëmijët, mbajeni të fshehur informacionin. Është një informacion i parëndësishëm për fëmijën.

SA PARA KENI SHPENZUAR PËR NJË DHURATË?

Fëmijët shpeshherë janë një-dimensional. Ata nuk mendojnë për kostot sesa për kënaqësinë e të dhënit apo të marrit të një dhurate. Të përmendurit e një çmimi do t’i ngatërrojë në perceptimin e parasë.

SHQETËSIMET PËR TË PAGUAR SHKOLLËN E FËMIJËS

Të çuarit e fëmijës në një shkollë është një nga pikat më krenare të një prindi por të gjeturit e mënyrave për ta përballuar shkakton një lloj ankthi. Është mirë të mos e përfshini fëmijën në bisedime, deri sa ata rriten për në shkollë të lartë. Shmangia e bisedave të tilla është një barrë më pak për fëmijën tuaj. Nëse prioritet për fëmijën tuaj është ruajtja e parave për një shkollë të mirë atëherë kjo është një bisedë që mund t’ia bëni të ditur fëmijës./Ajo.mk