USHQIMI I FËMIJËVE ME DUAR I BËN MIRË SHËNDETIT PSIKOFIZIK
T’i lejosh fëmijët të zhysin duart e tyre në pjatë dhe të ngatërrohen për të sjellë ushqimin në gojë (natyrisht me duar të pastra) duket se bën shumë mirë për shëndetin psikofizik të fëmijëve, sepse vendos themelet për një edukim të ushqimit të shëndetshëm dhe të ekuilibruar në të ardhmen.
Kjo teori mbështetet nga një studim i kryer nga Universiteti i Nottingham-it, sipas të cilit fëmijët e vegjël që nuk detyrohen të përdorin lugë apo takëme, por marrin ushqimin me duar, krijojnë një marrëdhënie më të drejtpërdrejtë me të gjitha ushqimet, duke ndikuar edhe në marrëdhënien me ushqimin që do të ketë për jetën.
Shkencëtarët kryen një eksperiment të vazhdueshëm me 155 fëmijë të moshës nga 20 muaj deri në 6.5 vjeç. Disa nga të vegjlve iu dha një dietë e bazuar në ushqim për fëmijë dhe preparate të ngjashme, të servirura me delikatesë.
Një grup tjetër u la i lirë të hante pjesë të vogla të karbohidrateve dhe proteinave me duar. Kur erdhi koha për të parë efektet e këtij eksperimenti, të gjithë të vegjëlve iu ofruan ëmbëlsira dhe karbohidrate ose fruta e perime.
Fëmijët e shkëputur nga ushqimi për fëmijë zgjodhën ëmbëlsirat pa hezitim, ndërsa ata që përdornin duart spontanisht hidheshin drejt frutave dhe perimeve.
“Ndoshta sepse këta fëmijë “të çrregullt” nuk kishin frikë nga prekja e ushqimit dhe për këtë arsye mund të shijonin ndjesitë që i paraprijnë shqisës së shijimit, si nuhatja, shikimi dhe prekja”, shtojnë autorët e studimit.
Leave a Reply