OBSH : QINDRA MIJËRA NJERËZ ÇDO VIT VËRBOHEN NGA MUNGESA E VITAMINËS A

OBSH :  QINDRA MIJËRA NJERËZ ÇDO VIT VËRBOHEN NGA MUNGESA E VITAMINËS A

Mungesa e vitaminave është shkaktari  kryesor i shumë sëmundjeve, prandaj  mbajtja nën kontroll duhet të jetë një prioritet shëndetësor. Për shkak se trupi ynë prodhon vitamina nga disa lëndë ushqyese, ngrënia e ushqimit të ekuilibruar mund të mbulojë një spektër të gjerë nevojash shëndetësore. Megjithatë, kur trupi privohet nga disa lëndë ushqyese kyçe, funksioni i tij pengohet. Në fakt, disa mangësi mund të jenë aq të dëmshme saqë mund ta humbin shikimin përfundimisht.

Sipas Organizatës Botërore të Shëndetësisë (OBSH), mungesa e vitaminës A kontribuon në verbëri duke e bërë kornenë shumë të thatë, duke dëmtuar kështu edhe retinën. Hulumtimet tregojnë se nivelet e ulëta të vitaminës A ndërhyjnë jo vetëm në shikim, por janë gjithashtu një shkaktar kryesor i vdekshmërisë së fëmijëve.

“Rreth 250 mijë deri në 500 mijë fëmijë që kanë mungesë të vitaminës A verbërohen çdo vit dhe gjysma e tyre vdesin brenda 12 muajve nga humbja e shikimit”- thonë nga OBSH.

Roli i vitaminës A në lidhje me shëndetin e syve është i dokumentuar mirë. Syri kërkon një sërë pigmentesh në mënyrë që retina të funksionojë dhe të perceptojë spektrin e plotë të dritës. Kur nivelet e vitaminës A bien shumë, prodhimi i këtyre pigmenteve pushon, duke shkaktuar verbëri natën. Por kornea është një pjesë tjetër e syrit që mbështetet shumë në vitaminën A për ushqim. Në mungesë, sytë thahen herët sepse nuk janë në gjendje të prodhojnë lagështi të mjaftueshme për t’i mbajtur të lubrifikuar./ Ajo.mk