RMV DERI TË MËRKUREN NË FAZËN PORTOKALLI ME TEMPERATURA DERI NË 40 GRADË
Moti sot do të jetë me diell dhe shumë i ngrohtë me vranësira të ulëta deri në mesatare me temperatura maksimale deri në 40 gradë, bëjnë të ditur metereologët.
Deri të mërkurën RMV do të vijojë të jetë nën ndikimin e valës së të nxehtit me temperatura të larta të mëngjesit dhe ditës. Niveli portokalli i rrezikut nga temperaturat e larta do të mbetet aktiv në të gjithë territorin.
Me propozim të Ministrisë së Shëndetësisë, Qeveria ka rekomanduar lirimin nga obligimet e punës të grupeve të ndjeshme të qytetarëve, përfshirë gratë shtatzëna dhe personat mbi, 60 vjeç, deri më 27 korrik. Siç thuhet në njoftimin e qeverisë, nga ky vendim përjashtohen të sëmurët kronik.
Sipas këtij vendimi, në kopshte rekomandohet të mos ushtrohen aktivitet fizik në natyrë dhe të mos nxirren fëmijët jashtë nga ora 11:00 deri në orën 17:00. Rekomandimet vlejnë edhe për njësitë e vetëqeverisjes lokale, Kryqin e Kuq dhe Qendrat për Çështje Sociale, për ofrimin e ndihmës për personat e vetmuar, të moshuar, të dobët dhe të pastrehë në rajonet e prekura nga vala e të nxehtit.
Gjithashtu rekomandohet që punëdhënësit të respektojnë detyrimet ligjore në lidhje me disa procese teknologjike dhe prodhuese, të cilat paraqesin rrezik shtesë për shëndetin e punëtorëve.
Qeveria i bëri apel publikut dhe qytetarëve që të lëvizin me kujdes në pyje dhe të shmangin veprimet që mund të shkaktojnë zjarr në hapësirë të hapur.
Leave a Reply