DERI 40% E LUMTURISË VARET NGA NE-THONË EKSPERTËT

DERI 40% E LUMTURISË TONË VARET NGA NE

Ekspertët kanë zbuluar se njeriu mund të ketë nën kontroll të paktën 40% të lumturisë së tij. Pjesa tjetër kontrollohet nga gjenet dhe faktorët e jashtëm ndërsa marrëdhëniet me njerëzit e tjerë janë thelbësore për lumturinë e individit.

Një studim specifik që u shtri në një periudhë kohore prej 70 vitesh zbuloi se njerëzit më të lumtur e më të shëndetshëm janë ata që kanë kultivuar marrëdhënie të forta e të shëndosha me njerëz tek të cilët kanë besim dhe gjejnë mbështetje. Studimet tregojnë se njerëzit e lumtur janë më të interesuar të kenë kohë se para.

PARAJA

Paraja është e rëndësishme për mirëqenien dhe lumturinë. Megjithatë, studimet tregojnë se sa më të larta të jenë të ardhurat vjetore, aq më e madhe do të jetë lumturia.

NDËRGJEGJËSIMI

Njerëzit që nuk e lënë rutinën dhe ditën t’i vëjë përpara janë më të ndërgjegjshëm për ambientin që i rrethon dhe bukuritë e tij. Mjafton një gjest i vogël si nuhatja e një trëndafili që t’ju japë energji dhe kënaqësi. Mos i anashkaloni gjërat dhe gjestet e vogla, thonë ekspertët.

MIRËSIA

Një veprim i mirë ka ndikim mjaft pozitiv tek humori. Vullnetarizmi, mirësia, bujaria, dashamirësia janë të gjitha tipare të njerëzve të lumtur.

AKTIVITETI FIZIK

Aktiviteti fizik është i rëndësishëm jo vetëm për djegien e kalorive. Studimet tregojnë se aktiviteti fizik është i lidhur ngushtë me lumturinë sepse pikë së pari lufton stresin dhe largon barrën e mendimeve të këqija.

MË SHUMË EKSPERIENCA

Njerëzit kanë tendencën të jenë më të lumtur nëse shpenzojnë para për eksperienca dhe jo për gjëra materiale. Studiuesit thonë se blerjet që ju mundësojnë eksperienca të reja do të ju bëjnë më të lumtur.

JETO ÇASTIN

Njerëzit e lumtur kanë tendencën të jenë të vetëdijshëm për çdo moment të ditës që kalojnë. Ata meditojnë dhe vlerësojnë çdo moment, gjë që i bën të lumtur por edhe të shëndetshëm.