KUR DUHET KONSUMUAR FRUTAT PARA APO PAS USHQIMIT?
Nuk është mirë që të hani frutat pasi të keni përfunduar me ushqimin (në fund të një vakti)sidomos ata persona që mundohen të humbin në peshë. Kjo për shkak se do të mund t’ju japin ndjenjë të fryrjes dhe ngopjes dhe do ta bëjnë humbjen e peshës më të vështirë.
Sipas ekspertëve të mjekësisë thuhet se disa substanca të pranishme në fruta, siç janë fibrat dhe oligosakaridet, mund të shkaktojnë një transit më të ngadalësuar të ushqimit përmes traktit gastrointestinal, si dhe një akumulim të gazit për shkak të proceseve të fermentimit. Megjithatë, theksohet se fenomenet e këtij lloji ndodhin mbi të gjitha tek ata që kanë një ndjeshmëri të lartë të zorrëve, sidomos ata që vuajnë nga ulcera, meteorizmi ose sindromi i zorrëve të irrituara.
Me përjashtim të këtyre situatave të veçanta, nuk ka asnjë kundërindikacion në konsumimin e frutave pas një vakti. Përfundimi i ushqimit me fruta mund të jetë i dobishëm. Në veçanti, sheqernat që përmbahen në fruta lëshohen më ngadalë nëse konsumohen në fund të një vakti se sa kur hahen në barkun bosh. Aciditeti i frutave dhe vitamina C lehtëson absorbimin e hekurit që gjendet në perime. Substancat antioksiduese të pranishme në fruta mbrojnë ushqimin nga dëmtimet oksiduese.
Së fundi, shija e thartë e frutave është e rëndësishme sepse i jep trupit sinjalin se vakti ka mbaruar. Studime të shumta kanë treguar se konsumimi i të paktën 5 racioneve të frutave dhe perimeve në ditë është i lidhur me një rrezik më të ulët të zhvillimit të sëmundjeve të rënda, si sulmi në zemër, hipertensioni dhe kanceri i zorrës së trashë. Thënë ndryshe frutat janë një ushqim që nuk duhet të mungojë asnjëherë në tryezën tonë, sidomos në fund të një vakti./Ajo.mk
Leave a Reply