Oda Ekonomike e Maqedonisë Veri-Perëndimore për të 11-tën herë me radhë, organizoi ngjarjen Top 100. Në prezencë të figurave të shquara të biznesit, politikës dhe shoqërisë u shpallën 5 kompanitë më të suksesshme të vitit si dhe u ndanë çmime të veçanta për kontribute të ndryshme në sferën e biznesit.
Vlen të theksohet se kompania më e suksesshme e udhëhequr nga një grua u shpall “Dogan Air” e menaxhuar nga Merita Ramadani Halimi.
Bazuar në vlerësimet e e OEMVP-së nga 20 mijë kompanitë e analizuara në Top 5-shin e kompanive më të suksesshme për vitin 2021 ishin:
- Kipper Market”
- “ATS Group”
- “Pucko Petrol”
- “Dauti Komerc”
- “PoFix”
Kompania me rritje më të madhe në vitin 2021, u shpall “Dekor Tekstil”. Këtë vit u nda edhe çmimi për kompaninë më të mirë me “Eko-investim” të cilin e mori ”International Fresh Food”. Kompani për partneritet më të suksesshëm u shpall “Vardar Dolomit”.
Nga OEMVP njoftuan se “TOP 100” kompanitë këtë vit kishin 920 milionë euro qarkullim, 72 milionë euro fitim dhe 74 milionë euro investime.
Intervistën e plotë me Merita Ramadani-Halimi do të keni mundësi ta ndiqni gjatë ditës së nesërme ekskluzivisht në Portalin tonë /Ajo.mk
Leave a Reply