PRANVERA KRAHAS DITËVE TË NGROHTA NA SJELL ALERGJITË
Ne të gjithë mezi e presim pranverën dhe ditët me diell por nga ana tjetër ka shumë njerëz që vuajnë nga alergjitë e kësaj stine. Vetë fakti që ato sjellin pakënaqësi gjatë shijimit të diellit dhe natyrës shumë njerëz i bëjnë mos ta duan stinën e pranverës dhe mezi presin të kalojë ajo.
Burimi më i madh i alergjive është poleni – grimcat e vogla që lëshohen në ajër, duke u shkaktuar shumë njerëzve një dhimbje të vërtetë pranverore. Thithja e këtyre grimcave çon në një reagim të tepruar të sistemit imunitar.
Sistemi ynë imunitar na mbron nga sëmundje të ndryshme duke krijuar antitrupa, në radhë të parë janë bakteret dhe viruset, nga të cilat organizmi ynë mbrohet çdo ditë. Megjithatë, te njerëzit që kanë reaksione alergjike, sistemi imunitar gabimisht e njeh polenin si një trup të huaj, duke prodhuar antitrupa të panevojshëm për t’u “mbrojtur” kundër trupit të huaj.
Alergjenët e zakonshëm janë poleni, marimangat, fibrat e kafshëve shtëpiake, ushqimi dhe ilaçet.
Si të mbroheni?
Ilaçi më i mirë për alergjitë e pranverës është të shmangni sa më shumë që të jetë e mundur alergjenët. Ka shumë metoda alternative për lehtësimin e alergjive dhe mjekësia klasike ofron mjete të caktuara që lehtësojnë simptomat. Megjithatë, përveç mjekimit, ka edhe gjëra të tjera për t’u kujdesur dhe për të lehtësuar simptomat.
- Bëni dush para gjumit
Nëse keni qenë jashtë për një kohë të gjatë dhe nuk keni bërë dush para gjumit, ekziston mundësia që poleni të mbetet në shtratin tuaj dhe të jeni të ekspozuar ndaj alergjenëve gjatë gjithë natës.
- Trajnim në ambiente të mbyllura
Nëse jeni tip mëngjesi dhe preferoni stërvitjen në atë kohë të ditës, duhet të dini se përqendrimi i polenit është më i lartë në periudhën nga ora 5 deri në 10 të mëngjesit. Prandaj, merrni parasysh ta bëni stërvitjen në ambiente të mbyllura ose të ndryshoni kohën kur ushtroni.
- Pastroni rregullisht hapësirën tuaj të jetesës
Çarçafët duhet të lahen në 90 gradë për të eliminuar grimcat e polenit. Pastroni fshesën me korrent të paktën dy herë në javë dhe fshijeni pluhurin rregullisht, gjë që do të zvogëlojë praninë e polenit në dhomë./Ajo.mk
Leave a Reply