RRETH 300 MIJË DOZA TË VAKSINAVE PFIZER DO TË PËRFUNDOJNË NË DRISLLA
Rreth 300 mijë doza të vaksinave Pfizer do të përfundojnë së shpejti në deponinë e Drisillës pasi skadon afati i tyre. Ministria e Shëndetësisë bën me dije për televizionin Telma se afati i skadencës është deri në fund të muajit shkurt dhe më pas do të fillojë procedura për asgjësimin e tyre.
Por nga aty ata sigurojnë se ka sasi të mjaftueshme të vaksinës në magazinë dhe dërgesat e reja priten në fund të javës së ardhshme.
Sasitë e para të 10 mijë vaksinave të dakorduara me Pfizer për fëmijët e moshës 5 deri në 11 vjeç pritet të mbërrijnë në muajin mars, njoftoi Ministria e Shëndetësisë.
Leave a Reply