VITAMINAT QË DUHET T’I KONSUMOJË ÇDO GRUA
Gratë janë zakonisht më të kujdesshme lidhur me mënyrën e të ushqyerit. Për të qenë sa më të shëndetshme dhe sa më energjike nevojiten vitaminat e duhura nga ushqimet e duhura. Për të shmangur disa probleme me shëndetin atyre ju duhen këto vitamina:
- VITAMINA C
Vitamina C jep përfitime të ndryshme shëndetësore dhe rrit imunitetin. Përshpejton proceset shëruese, ul rrezikun e kancerit, dëmtimin e indeve dhe ndihmon në ripërtëritjen e tyre si dhe parandalon problemet kardiovaskulare. Ushqimet që e përmbajnë vitaminën C janë domate, patate, portokall, brokoli, kivi, greipfruti, specat, luleshtrydhet.
- VITAMINA B7
Vitamina B7 ose biotina është e nevojshme për të rritur qelizat dhe sintezën e acideve yndyrore. Ndihmon në shëndetin e mirë të gjëndrave, flokëve, lëkurës dhe thonjve. Rregullon kolesterolin dhe është esenciale për rritjen e kockave. Ata që kanë mungesa të theksuara të B7 vuajnë nga depresioni, anemia, të skuqurat, thonjtë e brishtë, funksionim jo normal të zemrës dhe letargji. Burimi më i mirë janë karotat, thjerrëzat, djathi, arrat, e verdha e vezëve, peshku, specat, patatet e ëmbla, tërshëra, bajamet, bananet, kungulli, frutat e verdhë, orizi kaf, perimet me gjethe jeshile, qumështi dhe kosi.
- VITAMINA E
Kjo vitaminë ka aftësinë anti-moshë çka parandalon dëmtimin e qelizave dhe ndryshimet në trup që lidhen me moshën. Gjithashtu parandalon disa lloje kanceri, humbjet e kujtesës, sëmundjet e zemrës dhe kataraktet. Gjendet tek gjalpi i kikirikut, vaji i misrit, spinaqi, arrat, bajamet dhe te farat e lulediellit.
- VITAMINA A
Kjo vitaminë vepron si një antioksidant dhe ndihmon në forcimin e lëkurës, kockave, dhëmbëve, indeve të buta dhe membranave mykotike. Janë të pasura me të ushqime si qumështi, papaja, kale, pjepri, specat e kuq dhe drithërat e fortifikuar.
- VITAMINA B6
Vitamina B6 është vitale për sistemin imunitar. E stimulon trupin të prodhojë hormone dhe kimikatet e trurit duke parandaluar humbjet e kujtesës, sëmundjet e zemrës dhe depresionin. Gjithashtu trajton dhe problemet me përzierjet dhe të vjellat e shtatzënisë. Ushqimet e pasura me të janë farat, peshku, bananet, mishi, drithërat e fortifikuara, avokado, fasulet, drithërat, frutat e thatë.
- VITAMINA K
Forcon kockat dhe ul rrezikun e sëmundjeve kardiovaskulare. Mund të merret nëpërmjet vajit të peshkut, ushqime me drithëra, vaji i sojës dhe perimet me fletë jeshile.
- VITAMINA B9
Vitamina B9 ose acidi folik është shumë i rëndësishëm në rastet e tensionit të lartë të gjakut, sëmundjeve të zemrës, depresionit, kancerit dhe humbjeve të kujtesës. Mund ta konsumoni nëpërmjet pjeprit, vezëve, fasuleve, luleshtrydheve, perimeve me fletë jeshile të errët, lëngut të portokallit, shpargujve, drithërave, bishtajoreve.
- VITAMINA B2
Vitamina B2 njihet si riboflavin dhe është esenciale për metabolizmin, shëndetin e mirë dhe rritjen normale. Mungesa shkakton sistem të ulët imunitar, ndikon metabolizmin dhe funksionet neurale. Të pasura me vitaminë B2 janë qumështi, kërpudhat, bajamet, vezët, arrat, drithërat, të brendshmet, djathi, kosi, perimet me gjethe dhe soja.
- VITAMINA B12
Kjo vitaminë është vitale për ndarjen e qelizave. Rrit procesin e metabolizmit dhe sintezën e proteinave dhe të ndihmon kundër anemisë, humbjes së kujtesës dhe sëmundjeve të zemrës. Gjendet tek vezët, qumështi, djathi, peshku, kosi dhe cerealet e pasuruara.
- VITAMINA D
Kjo vitaminë ndihmon në përthithjen e kalciumit, jetësor për shëndetin e kockave dhe ul rrezikun e disa llojeve të kancerit, sklerozës dhe artritit. Ekspozimi në diell për 10-15 minuta e ndihmon trupin të prodhojë sasinë e nevojshme ditore. Gjithsesi, gjendet te produktet e bulmetit, te veza, te kërpudhat.
Leave a Reply