RMV LIDER NË RAJON PËR NUMRIN E DUHANPIRËSVE
Maqedonia së bashku me Serbinë janë lider për numrin e duhanpirësve në rajon. Analizat e ISHP-së tregojnë se rreth gjysma e popullsisë në vend, të paktën një herë në jetë kanë konsumuar duhan. Shqetësues është fakti se rreth 30 për qind e të rinjve në vend janë duhanpirës ndërsa mes tyre ka fëmijë të moshës 14-15 vjeç që janë duhanpirës aktiv.
Qytetarët e vendit konsumojnë mesatarisht 20 cigare në ditë ndërsa duhanpirësit më të shumtë janë meshkujt. Kemi edhe çmimet më të ulëta të cigareve të regjistruara jo vetëm në rajon por edhe në Evropë, kështu që kjo mund të jetë arsyeja e disponueshmërisë së duhanit.
Këto shifra shqetësuese janë publikuar me rastin e 31 majit, Ditës Botërore kundër Duhanit. Në këtë ditë çdo vit, Organizata Botërore e Shëndetësisë vë në dukje pasojat e dëmshme të përdorimit të duhanit dhe ekspozimit pasiv ndaj tymit të duhanit.
Gjithashtu, OBSH vazhdimisht thekson duhanin si shkaktar dhe faktor rreziku për shumë sëmundje, duke përfshirë sëmundjet kardiovaskulare, sëmundjet malinje dhe respiratore dhe diabetin.
Sipas OBSH-së, Maqedonia renditet e katërta në botë për sa i përket prevalencës së pirjes së duhanit e cila vlerësohet në 46% të njerëzve mbi 16 vjeç.
Leave a Reply