ANGELINA JOLIE LARGOHET NGA ROLI I AMBASADORES SË OKB-SË PËR REFUGJATËT

ANGELINA JOLIE LARGOHET NGA ROLI I AMBASADORES SË OKB-SË PËR REFUGJATËT

Aktorja fituese e çmimit Oscar tha se refugjatët janë njerëzit që i admiron më së shumti në botë dhe se tani do të përqendrojë kohën e saj duke punuar me organizata të udhëhequra nga njerëz të prekur drejtpërdrejt nga konflikti.

47-vjeçarja Jolie, është e njohur për aktivizmin e saj. Ajo ka punuar me UNHCR-në që nga viti 2001 dhe në vitin 2012 u emërua e Dërguar Speciale.

Duke shkruar në Instagram, Jolie tha se do ta kalonte pjesën tjetër të jetës duke punuar me refugjatët.

“Pas më shumë se 20 vitesh, sot po largohem nga puna ime me agjencinë e OKB-së për refugjatët,” shkroi ajo.

Në një deklaratë të përbashkët me Jolien, UNHCR e vlerësoi atë për punën e saj të palodhshme në më shumë se 60 misione në terren në vende duke përfshirë Jemenin dhe Burkina Fason, dhe e përshkroi atë si një nga përkrahësit më me ndikim të të drejtave të refugjatëve.

Jolie shtoi se ajo ishte mirënjohëse për privilegjin dhe mundësinë për të punuar me organizatën.

“Unë do të vazhdoj të bëj gjithçka në fuqinë time në vitet në vijim për të mbështetur refugjatët dhe njerëzit e tjerë të zhvendosur. Pas 20 vitesh duke punuar brenda sistemit të OKB-së, ndjej se është koha që unë të punoj ndryshe, duke u angazhuar drejtpërdrejt me refugjatët dhe organizatat lokale dhe duke mbështetur avokimin e tyre për zgjidhje”.

Komisioneri i lartë i OKB-së për refugjatët, Filippo Grandi, tha se Angelina Jolie ka qenë një partnere e rëndësishme humanitare e UNHCR-së për shumë kohë, raporton Guardian, transmeton Klankosova.tv.

“Ne jemi mirënjohës për dekadat e saj të shërbimit, angazhimin e saj dhe ndryshimin që ka bërë për refugjatët dhe njerëzit e detyruar të largohen. Pas një kohe të gjatë dhe të suksesshme me UNHCR-në, e vlerësoj dëshirën e saj për të ndryshuar angazhimin e saj dhe për të mbështetur vendimin e saj.

E di që kauza e refugjatëve do të mbetet afër zemrës së saj dhe jam i sigurt se ajo do të sjellë të njëjtin pasion dhe vëmendje në një portofol më të gjerë humanitar. Pres me padurim miqësinë tonë të vazhdueshme”, tha ai.