PREJ SOT KUSHTE TË REJA PËR HYRJE NGA RMV NË BULLGARI
Qytetarët e Maqedonisë së Veriut prej sot lejohen të hyjnë në Bullgari vetëm me certifikatë të vlefshme vaksinimi kundër Covid-19 ose një certifikatë se ka kaluar sëmundjen, së bashku me një test negativ PCR jo më të vjetër se 72 orë.
“Për hyrjen e të miturve nga 12 deri në 18 vjeç është i detyrueshëm edhe testi PCR negativ”, njofton MPJ.
Ministria e Punëve të Jashtme thekson se pas komunikimit intensiv mes Ministrive të Jashtme të dy vendeve, institucionet kompetente të Bullgarisë kanë marrë një vendim të ri për hyrjen e shtetasve tanë në Bullgari. Për shkak të përkeqësimit të situatës epidemiologjike, Maqedonia e Veriut vazhdon të jetë në të ashtuquajturën zonë e kuqe por vendimi i fundit heq kufizimet e hyrjes për nevoja jo thelbësore.
Leave a Reply